पोखरा । डिफेन्डिङ च्याम्पियन शिवम् न्यु डायमण्ड एकेडेमीलाई पराजित गर्दै विभागीय टोली एपिएफ क्लबले रेडबुल राष्ट्रिय महिला भलिबल प्रतियोगिताको उपाधि जितेको छ । पोखरा लामाचौरको इन्द्रराज्य लक्ष्मी माविमा बुधबार भएको फाइनलमा डायमन्डलाई २५–१८,२५–१८ र २५–१२ ले पराजित गर्दै एपिएफले उपाधि जितेको हो  ।

तीज महोत्सबको अवसरमा नव आदर्श सामुदायिक विकास समाजको आयोजनामा भएको प्रतियोगितामा एपिएफकी स्पाइकर सरस्वती चौधरी उत्कृष्ट खेलाडी, पश्चिमाञ्चलकी पवित्रा विसी उत्कृष्ट ब्लकर, अरुणा शाही उत्कृष्ट सर्भर, एपिएफकी बिनिता उत्कृष्ट सेटर, नेपाल पुलिसकी कमला पुन उत्कृष्ट लिबेरो र एपिएफकी उषा विष्ट उत्कृष्ट क्विकर खेलाडीको रुपमा पुरस्कृत भइन् ।