काठमाडौं । उपप्रधानमन्त्री ईश्वर पोखरेलले प्रधानमन्त्री केपी शर्मा ओलीले संसद् विघटन गरेर जनताको माझमा जान्छु भन्नु कसरी नाजायज हुन्छ ? भन्दै प्रश्न गरेका छन् । प्रधानमन्त्री ओलीलाई अप्ठ्यारोमा पारेपछि जनतामा जाने निर्णय गरेको उनले बताए ।
“जनताबाट निर्वाचित प्रधानमन्त्रीले ठिक गरेको छु कि गलत गरेको छु, जनता न्यायाधीश हुन्, न्यायाधीश जनताको ठाउँमा जान्छु भन्न पाउने कि नपाउने ?’’ उनले भने ।
बिहीबार काठमाडौंमा ओली समूहनिकट प्रेस संगठनको भेलामा बोल्दै उनले सरकारले गरेका निर्णय जस्ताको तस्तै जनतासमक्ष पुग्न नसकेको गुनासो गरे । “सरकारले गरेका निर्णय जस्ताको तस्तै जनतामा पुगेका छैन् । केही कमी–कमजोरी भएका होलान् । राम्रा निर्णय सञ्चारमाध्यममार्फत जनतामा पुगेका छैनन् ।’’
माधव नेपाललाई २० वर्ष नेतृत्वमा बस्दा पनि तृष्णा नमेटिएको उनको भनाइ थियो । उनले अफ्ठ्यारो बेलामा दुई कुरा अपनाउन सुझाव पनि दिए । पोखरेलले भने, “प्रष्ट बोल्न सक्नुपर्छ । भुइँमा खुट्टा टेक्नुपर्छ । अप्ठ्यारोमा यी कुरा नगरिए बाँच्न सकिँदैन ।’’
फाइल तस्बिर ।