मुम्बई । चलचित्र ‘बन्टी और बब्ली-२’ का कलाकार रानी मुखर्जी, सैफ अली खान, सिद्धान्त चतुर्वेदी र शर्वरीले हालै डबिङको काम सिध्याएका छन् । योसँगै चलचित्र हलमा जानको लागि तयार भएको छ ।
भारतीय सञ्चारमाध्यमहरुका अनुसार चलचित्र निर्माण कम्पनी यसराज फिल्मस् चलचित्र रिलिजको लागि उत्कृष्ट मितिको पखाइमा छन् । किनभने यसराजले पहिले नै यो ठूलो दर्शकलाई मनोरञ्जन दिने चलचित्रको घोषणा गरेको थियो ।
चलचित्रका निर्देशक वरुण भि भन्छन्,“यो सत्य हो, सबै कलाकारले डबिङको काम सकिसकेका छन् । यो चलचित्र हर्षोल्लासका साथ ठूलो पर्दाको मनोरञ्जनकर्ता हो र हामी हाम्रो चलचित्र दर्शकलाई देखाउन व्यग्र प्रतिक्षामा छौं ।
‘बन्टी और बब्ली २’ ले सिद्धान्त र शर्वरीलाई पहिलो पटक जोडीको रुपमा डेब्यु गर्दै छन् । यसका लागि यसराज फिल्मस् दुई वर्षदेखि शर्वरीलाई तयार गरिरहेको थियो ।
यसका साथै यशराजले लामो समयपछि कुनै समयका हिट जोडी सैफ अली खान र रानी मुखर्जीलाई पुनः सँगै ठूलो पर्दामा ल्याएका छन् ।
कोरोना महामारीकाबीच पनि चलचित्र टिमले आवश्यक सुरक्षाका उपाय अपनाएर बाँकी छायांकन पुरा गरेका थिए । - बलिउड हंगामा
