रुपन्देही । रुपन्देहीमा कुटपिटबाट आफ्नै दाजुको हत्या आरोपमा भाइ पक्राउ परेका छन् । पक्राउ पर्नेमा गैडहवा गाउँपालिका–२ पडौरा बस्‍ने १९ वर्षीय शिवचन्द केवट छन् ।  शिवचन्दले मादक पदार्थ सेवन गरी सामान्य विवादमा बाँसको चिर्पटले दाजु २५ वर्षीय जवाहिर केवटलाई टाउकोमा हान्दा गम्भीर घाइते भएका थिए ।

तत्काल उपचारका लागि लोण्डिया स्वास्थ्य क्लिनिक लगेकोमा थप उपचारका लागि सुविधा सम्पन्न अस्पतालतर्फ लैजाने क्रममा बाटोमै उनको मृत्यु भएको थियो ।