एजेन्सी । म्यान्चेस्टर सिटी कारबाहो कप फुटबलको फाइनलमा प्रवेश गरेको छ । बुधबार राति भएको खेलमा सिटी म्यान्चेस्टर युनाइटेडसँग १–० गोल अन्तरले पराजित भएको थियो । 

घरेलु मैदानमा भएको खेलमा सिटी पराजित भएपनि फाइनलमा प्रवेश गरेको छ । अघिल्लो लेगमा ३–१ गोलको अग्रता बनाएको सिटी दोस्रो लेगमा १–० गोल अन्तरले पराजित भएको हो ।

युनाइटेडलाई जित दिलाउन नेमन्जा माटिकले एका मात्र निर्णायक गोल गरेका थिए । उनले खेलको ३५ औँ मिनेटमा गरेको गोल नै खेलको निर्णायक बनेको थियो । ७९ औँ मिनेटमा भने उनी रातो कार्ड खाँदै मैदान बाहिर गएका थिए । 

समग्रमा सिटीले ३–२ गोलको जित निकाल्दै उपाधिका लागि आफ्नो दावेदारी प्रस्तुत गरेको हो । सिटीले अब उपाधिका लागि एटन भिल्लासँग प्रतिस्पर्धा गर्नेछ ।

एस्टन भिल्लाले लेस्टर सिटीलाई पराजित गर्दै फाइनलमा स्थान पक्का गरेको थियो ।