काठमाडौं । उतारचढावबीच बुधबार सेयर बजार झिनो अंकले ऋणात्मक रह्यो । सेयर बजार परिसूचक नेप्से ०.२७ अंकले मात्र ऋणात्मक रह्यो । नेप्से १३ सय ५.८८ अंकमा छ । कारोबार भने यस दिन पनि अर्ब नाध्यो । १ सय ७६ कम्पनीको २८ लाख ७८ हजार कित्ता सेयर १ अर्ब २९ करोड रुपैयाँ बराबरमा किनबेच भएको छ ।
यसदिन निर्जीवन बिमा समूहमा ९७ अंकको वृद्धि आयो भने लघुवित्त समूह पनि ९० अंकले सुधारियो । वाणिज्य बैंक समूह भने करिब ८ अंकले झ¥यो ।
यस दिन नाडेप लघुवित्त वित्तीय संस्थाको सबैभन्दा बढी सेयर कारोबार भयो । संस्थाको ६ करोड ३८ लाख रुपैयाँको सेयर किनबेच भयो । कारोबारमा नाडेपलाई शिखर इन्स्योरेन्स कम्पनीले पच्छ्यायो । शिखरको ६ करोड २२ लाख रुपैयाँको सेयर खरिद बिक्री भएको नेपाल स्टक एक्सचेन्जले जनाएको छ ।
यसदिन ८१ कम्पनीका सेयरधनीले कमाए । ६१ कम्पनीका सेयरधनीले गुमाए भने २० कम्पनीको सेयर स्थिर रह्यो ।