काठमाडौं । ललितपुर महानगर-१० नम्बर वडाबाट स्वतन्त्र रूपमा वडाध्यक्षका उमेदवार बनेका नरसिंह व्यञ्जनकारको गणना प्रतिनिधि बस्न काठमाडौं महानगरमा मेयरमा अग्रता लिइरहेका बालेन्द्र साह ललितपुर आएका छन् ।

उनी आज बिहानैबाट ललितपुर महानगरपालिकाको मतगणनास्थल सेवाकालीन प्रशिक्षण भवन जावलाखेलमा छन् ।
उनले भर्खरै मतगणना प्रतिनिधि बस्नका लागि मुख्य निर्वाचन अधिकृतको कार्यालयबाट परिचयपत्र बनाएका गणनास्थल प्रवेश गरेका छन् ।

व्यञ्जनकार १० नम्बर वडाको अध्यक्षमा पुतली चिह्न लिएर प्रतिस्पर्धामा छन् । मतगणना जारी रहँदा उनीसँग नेपाली कांग्रेसका रविन व्यञ्जनकारको प्रतिस्पर्धा भइरहेको छ ।