काठमाडौं । आज आमाको मुख हेर्ने दिन अथवा मातातीर्थ औंसी । हरेक वर्ष वैशाख कृष्णपक्ष औंसीको दिन आमाको मुख हेर्ने अर्थात् मातातीर्थ औंसी मनाउने गरिन्छ । यसदिन काठमाडौंको मातातीर्थमा ठूलो मेले लाग्ने गर्दछ । आजको दिन आमा नहुनेहरू मातातीर्थ गई आफ्नो आमालाई सम्झी तर्पण र पिण्ड दान गर्ने गर्दछन् । आज मातातीर्थमा स्नान गरी दान गर्नेको भीड लागेको छ ।आजको दिन टाढा-टाढा रहेका छोराछोरी आमालाई भेटेर मिठाई तथा उपहार दिएर आमाको मुख हेर्ने गर्दछन् ।