काठमाडौं । नेपाली सेनाका दिवश शंकर र नेपाल पुलिसका पूर्णबहादुर थापा पुष्पलाल स्मृति र्‍याङ्किङ राष्ट्रिय ब्याडमिन्टन प्रतियोगितामा पुरुष एकल स्पर्काको अन्तिम–१६ मा स्थान बनाएका छन् । 

वरीयाताको शीर्ष १६ भन्दा बाहिरको पुरुष एकल स्पर्धामा दिवशले नखिपोटका मिलन राईलाई २१–६, २१–१३ ले पराजित गर्दै अन्तिम–१६ मा स्थान बनाएका हुन् । दिवशले अब पूर्णबहादुरसँग प्रतिस्पर्धा गर्नेछन् । पूर्णबहादुरले चितवनका टेकप्रसाद पौडेललाई २१–९, २१–१६ ले पराजित गरेका हुन् ।

राष्ट्रिय ब्याडमिन्टन संघ र नखिपोट युथ क्लबले संयुक्त रूपमा आयोजना गरेको प्रतियोगिता त्रिभुवन आर्मीका विवेक चौधरी र ललितपुरका निखिल भट्टले पनि अन्तिम–१६ मा स्थान बनाएका छन् । विवेकले हुम्लाका दशरथ बुढालाई २१–८, २१–१३ तथा निखिलले सुर्खेतका अनिल मल्ललाई २१–१९, २१–१९ ले पराजित गरे । 

त्यस्तै राजु थापाले पाल्पाका ज्ञानबहादुर रानालाई २१–६, २१–११ ले हराए । त्रिभुवन आर्मीका पविन लिनथेपले एपीएफका एशिया जवेगुलाई २३–२१, २१–४ हराए । त्रिभुवन आर्मीका आयुष्मान नागरीले कैलालीका योगेश खड्कालाई १६–२१, २१–५, २१–१३ ले तथा कास्कीका भुगोल गुरुङले १६–फिदरका अमन महर्जनलाई २१–१८, २१–२३, २१–१९ ले हराउँदै अन्तिम–१६ मा स्थान बनाए । 

त्रिभुवन आर्मीका हिमाल चन्दले एपीएफका नवीन सिलवाललाई २१–१०, १३–२१, २१–१३ हराए । कास्कीका विधान अधिकारीले सिल्क ग्रुपका आशिष तामाङलाई २१–१५, २१–११ ले हराए । १६–फिदरका क्षितिज खनालले कञ्चनपुरका प्रकाश चन्दलाई २१–१८, २१–१६ ले हराए । त्रिभुवन आर्मीका डेभिड थापामगरले पाँचथरका किरण श्रेष्ठलाई २१–७, २१–१३ स्कोरमा हराउँदै अन्तिम–१६ मा स्थान बनाए । 

साइनोका सुजन थापाले चितवनका छिरिङ लामालाई २१–१४, २१–१२ ले हराए । सिल्क ग्रुपका कविर केसीले संखुवासभाका सुनिलजंग कार्कीलाई २१–१३, २१–१० को स्कोरमा हाएर । नेपाल पुलिसका हिरा राईले कास्कीका बिशन गुरुङलाई १८–२१, २१–१०, २१–१५ को स्कोरमा तथा मोरङका भोजबहादुर गुरुङले त्रिभुवन आर्मीका निशान कटुवाललाई २१–८, २१–७ को स्कोरमा पराजित गर्दै अन्तिम–१६ मा स्थान बनाए ।

पुरुष युगल ४५ वर्ष माथिको प्रतिस्पर्धामा इमाडोलका तिलकबहादुर बुढाथोकी र मुकुन्द थापाको जोडीले ललितपुरका सुजन खतिवडा र राजेश महर्जनको जोडीलाई २१–१५, २१–१७ ले पराजित गर्दै अन्तिम–३२ मा स्थान बनाए । क्लब–७ का कर्ण बुढा र एन्डी क्षेत्रीको जोडीले नखिपोटका मुकेश राई र सूर्यदेभ राईको जोडीलाई १८–२१, २१–१६, २१–१८ ले पराजित गरे । खोटाङका बिशन खालिङ र जीवनकुमार राईको जोडीले थेचोका दिवश लबुम र सानबहादुर साम्बाको जोडीबाट वाक ओभर पाए ।

नखिपोटस्थित कभर्डहलमा सम्पन्न प्रतियोगिताको पुरुष यू–१७ एकलको प्रतिस्पर्धामा १६–फिदरका अमन महर्जनले देवीनगरका अदिश कार्कीलाई २३–२१, २१–८ हराए । गुल्मीका जनिश शेरचनले मोरङका महेश खड्कालाई २१–११, २१–११ हराए । एनजेसी डल्लुका स्वयं मानन्धरले संखुवासभाका प्रशान्त श्रेष्ठलाई २१–१६, २१–१२ स्कोरमा तथा सुनसरीका रोधन राईले १६–फिदरका आरुष सिम्खडालाई २१–५, २१–१० ले पराजित गर्दै अन्तिम–३२ मा स्थान बनाउन सफल भए ।

त्यस्तै कैलालीका शिसिर रानाले कन्चनपुरका आशिष खत्रीलाई २१–११, २१–३ को स्कोरमा तथा पाल्पाका सञ्चार तिमल्सिनाले रिभाईभका दीप थिङलाई २१–७, २१–९ को स्कारेमा हराए । कपिलवस्तुका राज बर्माले दाङका ज्याती चौधरीबाट तथा भक्तपुरका विवेक भट्टराईले काठमाडौं ब्याडमिन्टन एकेडेमीका तत्सत ढकालबाट वाकओभर पाए । बाँकेका राजेश बिसीले इमाडोल ब्याडमिन्टनका सौर्य महर्जनलाई २१–१६, २१–१५ को स्कोरमा हराए । 

खोटाङका सविन श्रेष्ठले प्रत्युश थापाबाट वाकओभर पाए । सेनाका डेभिड थापामगरले पाँचथरका किरण श्रेष्ठलाई २१–१३, २१–१३ को स्कोरमा हराउँदा कपिलवस्तुका अभय महराले १६–फिदरका आलोक लामालाई २१–६, २१–६ को स्कोरमा हराए ।

दाङका अरूण अधिकारीले सुनसरीका प्रशन्न राईलाई २१–११, २१–१९ को स्कोरमा हराए । पाल्पाका सुरोज तिमल्सिनाले कैलालीका पारश उपाध्यायलाई २१–१५, २१–१३ ले पराजित गर्दै अन्तिम–३२ को यात्रा तय गरे ।