काठमाडौं । उत्कृष्ट पुनरागमन गर्दै राफेल नाडालले आइतबार दोस्रो वरीयाताका ड्यानिल मेदभेदेभलाई ३-२ को सेटमा हराउँदै अस्ट्रेलियन ओपनको उपाधि जितेका छन् ।

छैटौँ वरीयाता प्राप्त स्पेनिसका नाडालको यो कीर्तिमानी २१औँ ग्रान्ड स्लाम उपाधि हो । यससँगै उनी २१ ग्रान्ड स्लाम उपाधि जित्ने पहिलो खेलाडी बनेका छन् ।

मेलबर्न पार्कमा सम्पन्न पुरुष एकल स्पर्धाको फाइनलमा नाडालले रुसका मेदभेदेभलाई २-६ ६-७ (५/७) ६-४ ६-४ र ७-५ ले खेल आफ्नो पक्षमा पार्दै उपाधि जितेका हुन् ।

पाँच घन्टा लामो संघर्षपुर्ण भिडन्तमा मेदभेदेभले पहिलो दुई सेट जित्दै नाडाल माथि दबाब बनाएका थिए । तर त्यसपछि नाडालले सानदार पुनरागमन गर्दै लगातार तीन सेट आफ्नो पक्षमा पारेका हुन्  । 

यसअघि नाडालसँगै नोभाक जोकोभिच र रोजर फेडेररले समान २० पटक उपाधि जितेका थिए । नाडालले जोकोभिच र फेडेररलाई पछि पारेका छन् । फेडेररले चोटका कारण अस्ट्रेलियन ओपन खेलेनन् भने जोकोभिचले कोभिड-१९ को स्वास्थ मापदण्ड पूरा नगरेको भन्दै अस्ट्रेलिया सरकारले डिपोर्ट गरिदिएको थियो । 

नाडालको यो दोस्रो अस्ट्रेलियन ओपनका उपाधि हो ।

यसअघि उनले २००९ मा अस्ट्रेलियन ओपनको उपाधि जितेका थिए । ३५ वर्षे नाडालले १२ वर्षपछि पुन: २५ मेदभेदेभलाई हराउँदै उपाधि उचाले ।