काठमाडौं । अस्ट्रेलियाले गरेको भिसा रद्दविरुद्धको मुद्दा विश्व नम्बर एक नोभाक जोकोभिचले जितेका छन् ।

अस्ट्रेलियन ओपन खेल्न गत साता अस्ट्रेलिया पुगेका जोकोभिचलाई कोभिड–१९ विरुद्धको खोप लगाउनुपर्ने स्वास्थ्य मापदण्ड पूरा नगरेको भन्दै प्रवेशमा रोक लगाइएको थियो । जोकोभिचको भिसा समेत रद्द गरिइएको थियो । उक्त घटनाले विश्वको ध्यान आकर्षित गरेको थियो । अस्ट्रेलियन सरकारको उक्त निर्णयविरुद्ध जोकोभिचले अदालतमा मुद्दा दायर गरेका थिए । 

सोमबार भएको सुनुवाइमा न्यायाधीश एन्थनी केलीले जोकोभिचलाई अस्ट्रेलिया प्रवेशमा रोक लगाउने संघीय सरकारको निर्णय सान्दर्भिक नभएको र उनले प्रवेशका छुट दिन आदेश दिएकी छन् । उनले फैसला भएको ३० मिनेटभित्र जोकोभिचलाई क्वारेन्टिनमा राखिएको मेलबर्नको होटलबाट छुट दिन आदेश दिएकी थिइन् ।

फैसलापछि न्यायधिशलाई सरकारी वकिल क्रिस्टोफर ट्रानले अध्यागमन, नागरिकता, आप्रवासी सेवा, बहुसांस्कृतिक मामिला मन्त्री एलेक्स हकसँग ‘भिसा रद्द गर्नका लागि पुनः व्यक्तिगत अधिकार प्रयोग गर्न सक्ने’ बताएका छन् । 

जसका कारण जोकोभिचले पुनः भिसा समस्या भोग्नुपर्ने हुनसक्ने जनाइएको छ । त्यसकारण १७ जनवरीबाट हुने अस्ट्रेलियन ओपनमा जोकोभिचको सहभागिता अझै सुनिश्चित नभएको जनाइएको छ ।