काठमाडौं । नेपाली राष्ट्रिय महिला क्रिकेट टोली आईसीसी महिला ट्वान्टी–२० विश्वकप क्रिकेट एसिया छनोट प्रतियोगितामा सहभागिता जनाएर आज स्वदेश फर्कने भएको छ ।

नेपाली टोली आज साँझ ७ः१० बजे नेपाल आइपुग्ने तालिका छ । अन्तिम खेलमा यूएईसित पराजित हुँदै नेपालले पहिलोपटक ग्लोबल क्वालिफायरमा पुग्ने मौका गुमाएको थियो ।

नेपालले एसियाली छनोटमा पाँच खेल खेल्दै ६ अंक जोडेको थियो । ६ टोली सहभागी छनोट प्रतियोगितामा यूएईले पाँच खेलबाट १० अंक जोडेर ग्लोबल क्वालिफायरमा स्थान बनायो ।

नेपाली खेलाडी सीता रानामगर प्रतियोगिताकै सर्वाेत्कृष्ट खेलाडी घोषित भएकी थिइन् । उनले प्रतियोगिताका पाँच खेलमा १०० रन बनाएकी थिइन । यस्तै, ६ विकेट पनि लिएकी थिइन् ।