काठमाडौं । दस खेलाडीमा सीमित बनेको बंगलादेशले आज साफ च्याम्पियनसिपमा भारतलाई १–१ को बराबरी रोकेको छ । 

बराबरीसँग चार अंक जोडेको बंगलादेश शीर्ष स्थानमा छ । भारतको यो पहिलो खेल हो । एक अंक जोडेको भारत तेस्रो स्थानमा छ । तीन अंक जोडेको नेपाल दोस्रो स्थानमा छ । नेपालले आज श्रीलंकाविरुद्ध खेल्दैछ । 

भारतका कप्तान सुनिल क्षेत्रीले २६औँ मिनेटमा गरेको गोलबाट भारतले अग्रता लिएको थियो । उडन्तसिंह कुममले दायाँ कर्नरबाट दिएको ब्याक पासलाई सुनिलले गोलमा परिणत गरेका थिए । सुनिल क्षेत्रीको यो ७६औँ अन्तर्राष्ट्रिय गोल हो । 

५४औँ मिनेटमा भारतका रक्षक विश्वनाथ घोषले रातो कार्डको सामना गरेपछि बंगलादेश बाँकी समय दश खेलाडीमा सीमित बनेको थियो । विश्वनाथले भारतका लिष्टन कोलाकोलाई फाउल गरेपछि रेफ्री अलशामरानी माजिद मोहम्मदले सिधै रातो कार्डको दर्शन गराएका थिए । 

बंगलादेश दश खेलाडीमा सिमित भएको फाइदा भारतले उठाउन सकेन । ७४औँ मिनेटमा यासिन अराफतले बराबरी गोल फर्काएका थिए । उनले कर्नरबाट आएको पासलाई हेडमार्फत गोलमा परिणत गरेका थिए ।

भारत साफ च्याम्पियनसिपमा सबभन्दा धेरैपटक उपाधि जित्ने टोली हो । भारतले सात पटक उपाधि जितेको छ । बंगलादेशले एकमात्र उपाधि जितेको छ ।