काठमाडौं । जित्नै पर्ने दबाबमा रहेको काठमाडौं किङ्स–११ ले एभरेष्ट प्रिमियर लिग (ईपीएल) टी–ट्वान्टी क्रिकेटमा पोखरा राइनोजविरुद्ध पहिले ब्याटिङ गर्ने भएको छ । 

कीर्तिपुरस्थित त्रिवि क्रिकेट मैदानमा पोखराले टस जितेर पहिले बलिङ गर्ने भएपछि काठमाडौंले ब्याटिङको निम्तो पाएको हो ।
 
आजको खेलमा काठमाडौंलाई जित निकाल्दै प्ले अफमा पुग्ने मौका रहेको छ । लिगमा ३ खेल खेलेको काठमाडौं २ अंकका साथ तालिकाको पाँचौं स्थानमा छ । 

आजको खेलमा जित निकाल्न सके काठमाडौंलाई प्ले अफमा प्रवेश गर्ने मौका छ । 

यता, पोखरालाई आजको खेलमा जित निकाल्दै दोस्रो स्थानमा उक्लने मौका छ । लिगमा ४ खेल खेलेको पोखरा ५ अंकका साथ तालिकाको तेस्रो स्थानमा छ ।