काठमाडौं । चेल्सी काराबाओ कप फुटबलको अन्तिम १६ मा प्रवेश गरेको छ । बुधबार राति भएको खेलमा एस्टन भिल्लालाई पेनाल्टी सुटआउटमा ४–३ ले पराजित गर्दै चेल्सीले अघिल्लो चरण प्रवेश गरेको हो ।

निर्धारित समय १–१ गोलको बराबरीमा सकिएपछि खेलको निर्णय पेनाल्टी सुटआउटमा गरिएको थियो । घरेलु मैदानमा चेल्सीले बाजी मार्न सफल भयो ।

चेल्सीका लागि पेनाल्टीमा रोमेलु लुकाकु, मासन माउन्ट, रोस बार्क्ली र सी जेम्सले गोल गरे । भिल्लाका इमिलियानो बुएन्डिया, इजरी कोन्सा र अनवर एल घाजीले गोल गरे ।

चेल्सीले अब अन्तिम १६ को खेलमा साउथह्याम्टनसँग प्रतिस्पर्धा गर्नेछ ।