काठमाडौं । लिभरपुलले प्रिमियर लिग फुटबलमा लिभरपुलले सहज जित निकालेको छ । आइतबार राति भएको खेलमा लिभरपुलले लिड्स युनाईटेडलाई ३–० गोल अन्तरले पराजित गरेको हो । १० खेलाडीमा सीमित लिड्समाथि लिभरपुलले सहज जित निकाल्न सफल भयो ।

लिभरपुललाई जित दिलाउन खेलको २० औँ मिनेटमा सलाहले गोल गर्दै लिभरपुललाई अग्रता दिलाएका थिए । प्रिमियर लिगमा सलाहले १०० गोल पूरा गरेका छन् । पहिलो हफमा एक गोल गरेको लिभरपुलले दोस्रो हाफमा थप दुई गोल गर्‍यो ।

५० औँ मिनेटमा फाबिन्होले गोल गर्दै लिभरपुललाई २–० को अग्रता दिलाए । ६०औँ मिनेटमा पास्कल स्ट्रूजिकले रातो कार्ड पाएपछि लिड्स १० खेलाडीमा समेटिएको थियो ।

साडियो मानेले खेलको इन्ज्यूरी समयमा गोल गर्दै लिभरपुललाई ३–० को जित दिलाए । जितसँगै लिभरपुलले ४ खेलमा १० अङ्क जोडेर तालिकाको दोस्रो स्थानमा छ । लिड्स २ अङ्क जोडेर १७ औँ स्थानमा छ ।