काठमाडौं । नेकपा (एकीकृत समाजवादी) पार्टीको कार्यालय मीनभवनमा रहने भएको छ । भीएस निकेतन स्कुल नजिकैको घरमा पार्टी कार्यालय रहने निश्चित भएको नेता जीवनराम श्रेष्ठले जानकारी दिए । उनका अनुसार अहिले उक्त घरमा रङ्गरोगनको कार्य भइरहेको छ । 

असोज १ गते पार्टी कार्यालय स्थापना गरिने उनले जानकारी दिए ।   

“भीएस निकेतन नजिकैको घरमा कार्यालय राख्ने पक्का भएको छ । अहिले रङ्गरोगनको कार्य भइरहेको छ । असोज १ गतेबाट हामीलाई हस्तान्तरण गर्ने कुरा भएको छ,” उनले भने ।

कसको घरमा बस्ने भन्ने प्रश्नमा उनले भने, “एमालेले लिएको जस्तो घर होइन्, राम्रो छ ।”