काठमाडौं । जितेन्द्रबहादुर चन्द सेन्ट्रल एसियन भलिबल एसोसिएसन (सीएभीए) को कोषाध्यक्षमा नियुक्त भएका छन् । नेपाल भलिबल संघ (एनभीए) का महासचिव चन्द्र  आगामी चार वर्षका लागि सीएभीएको कोषाध्यक्षमा नियुक्त भएका हुन् । 

सीएभीएका अध्यक्ष मोहमम्द लातिफले एक पत्र पठाउदै चन्दलाई कोषाध्यक्ष चयन गरिएको बताएका छन् ।

लातिफले हस्ताक्षर गरेको पत्रमा सेन्ट्रल जोनल नेसनल फेडेरेसनहरूको निर्णयले चन्दलाई कोषाध्यक्षमा नियुक्त गरिएको उल्लेख छ । चन्द लामो समयदेखि नेपाली भलिबल क्षेत्रमा कार्यरत छन् । 

“मैले यो जिम्मेवारी पाउँदा खुसी लागेको छ । सीएभीए स्थापनामा नेपालको पनि ठूलो योगदान छ,” चन्दले बाह्रखरीसँग भने । चन्द सीएभीएमा कोषाध्यक्षको नेतृत्व गर्ने पहिलो नेपाली हुन् ।