काठमाडौं । १६ औं संस्करणको युरोकप फुटबलमा आज (सोमबार) दुई खेलहरु हुँदैछन् । प्रि–क्वाटरफाइलन खेल अन्तर्गत आज दुई खेलहरु हुन लागेका हुन् । प्रतियोगितामा चार टोलीले यसअघि क्वाटरफाइलनमा स्थान बनाइ सकेका छन् ।
 
आज हुने पहिलो खेलमा स्पेनले क्रोएसियासँग प्रतिस्पर्धा गर्नेछ । युरोकप फुटबलको सर्वाधिक सफल टोली स्पेन आजको खेलमा जित निकाल्दै अघिल्लो चरणमा पुग्ने योजनामा हुने छ ।
 
पार्केन एरिनामा हुने स्पेन र क्रोएसियाबीचको खेल राति ९ः४५ बजे सुरु हुनेछ । दुबै टिम जित निकाल्दै क्वाटरफाइनलमा पुग्ने योजनामा हुनेछन् । विश्वकप फुटबल २०१८ को उपविजेता टोली क्रोएसिया आजको खेलमा जित निकाल्दै आफूलाई बलियो बनाउने योजनामा हुनेछ । 

स्पेनले समूह ‘ई’ बाट उपविजेता बन्दै नकआउट चरणमा स्थान बनाएको हो । स्पेनले ३ खेलमा ५ अंक जोडेको थियो । क्रोएसियाले समूह ‘डी’ बाट उपविजेता बन्दै अन्तिम १६ मा स्थान पक्का गरेको हो । क्रोएसियाले ३ खेलमा ४ अंक जोडेको थियो ।

आज नै हुने दोस्रो खेलमा फ्रान्सले स्विजरल्यान्ड्ससँग प्रतिस्पर्धा गर्नेछ । रोमानियाको नेसनल एरिनामा हुने फ्रान्स र स्विट्जरल्यान्डबीचको खेल राति १२ः४५ बजे सुरु हुनेछ । आज दुबै टिम जित निकाल्ने योजनामा छन् । 

दुई पटकको युरोकप फुटबल विजेता टोली आजको खेलमा सहज जित निकाल्ने योजनामा हुनेछन् । आजको खेलमा जित निकाल्दै दुबै टोली वाटरफाइनलमा पुग्न चाहन्छन् ।

फ्रान्स स्विजरल्यान्ड्सभन्दा तुलनात्मक रुपमा बलियो टोली हो । साविक उपविजेतासमेत रहेको फ्रान्स समूह ‘एफ’को विजेता बन्दै नकआउट चरणमा पुगेको हो । समूह चरणमा फ्रान्सले ३ खेलमा ५ अंक जोडेको थियो ।
  
स्विट्जरल्यान्डले समूह ‘ए’बाट नकआउट चरणमा स्थान बनाएको हो । समूहको उत्कृष्ट तेस्रो बन्दै नकआउट चरणमा प्रवेश गरेको हो । फ्रान्स र स्विट्जरल्यान्डबीच पछिल्लो ७ खेलको नतिजा हेर्दा फ्रान्स बलियो देखिएको छ । 

विश्वकप फुटबल विजेता फ्रान्स आजको खेलमा जित निकाल्ने योजनामा छ ।