![आयोगको निर्णयप्रति बाबुरामको कटाक्ष– ‘दुवै चोर हुन्, मिलेर बस्नू भन्ने ?’](https://12khari.top/uploads/posts/baburam bhattaraibp1614574147.jpg)
काठमाडौं । जनता समाजवादी पार्टी (जसपा)का संघीय परिषद् अध्यक्ष तथा पूर्वप्रधानमन्त्री बाबुराम भट्टराईले दुवै पक्षले गरेको कारबाही अवैधानिक भन्दै निर्वाचन आयोगले गरेको निर्णयप्रति असन्तुष्टि व्यक्त गरेका छन् ।
आयोगले आइतबार जसपाको दुवै पक्षले गरेका कारबाहीको निर्णय अध्यावधिक गर्न अस्वीकार गरेको थियो । आफूहरुले चोरीको विरुद्धमा आयोगमा उजुरी दिएको तर आयोगले दुवै चोर हुन मिलेर बस्नु भन्ने आशयको निर्णय गरेको भन्दै कटाक्ष गरेका छन् ।
“खड्गप्रसाद एण्ड कम्पनीको नायकका विधिशास्त्रः कसैले चोर्यो भने चोरी गर्नेको विरूद्ध मुद्दा हाल्नू ! चोरलाई पनि मैले चोरेको हैन, उल्टै मुद्दा हाल्ने (वादी)ले चोरेको हो भनेर प्रतिवाद गर्न लगाउनू । मुद्दा हेर्ने कार्यालयले दुवै वादी र प्रतिवादी चोर हुन्, मिलेर बस्नू भन्ने फैसला गर्नू ! वाह !,” उनको कटाक्ष छ ।
जसपाका अध्यक्ष महन्थ ठाकुर पक्ष र अध्यक्ष उपेन्द्र यादव पक्षले एकअर्कालाई पार्टीबाट निष्कासन गर्दै निर्वाचन आयोगलाई पत्र पठाएका थिए । तर, आयोगले दुवैको निर्णय वैधानिक नभएको भन्दै कसैको कारबाहीलाई मान्यता दिन नसिकने निर्णय गरेको हो ।