काठमाडौं । सिरी ए फुटबलको सिजनको आफ्नो अन्तिम खेलमा युभेन्ट्सले च्याम्पियन्स लिगमा स्थान सुरक्षित गरेको छ । आइतबार राति भएको खेलमा बोलोग्नालाई ४–२ गोल अन्तरले पराजित गर्दै युभेन्ट्सले जित निकालेको हो । 

च्याम्पियन्स लिग फुटलबको अन्तिम चारमा स्थान बनाउन संघर्षरत युभेन्ट्सले सहज जित निकाल्दै अर्काे सिजन च्याम्पियन्स लिगमा स्थान सुरक्षित गरेको हो ।

नापोलीले भिरोनासँग १–१ को बराबरी खेल्दा युभेन्ट्स च्याम्पिन्स लिगमा पुगेको छ । नापोली पाँचौ स्थानमा रहेर यस सिजनको लिगको अन्त्य गर्यो । 

एटलान्टा र युभेन्ट्सले समान ७८ अंक जोड्दै क्रमशः तेस्रो र चौथो स्थानमा रहेर लिगको अन्त्य गरे । एसी मिलान ७९ अंकसहित दोस्रो स्थानमा रहेर च्याम्पियन्स लिगमा छनोट भयो । नापोली ७७ अंकसहित पाँचौं स्थानमा रह्यो ।