बाह्रखरी
भर्खरै
Ncell inner sticky
देश प्रतिक्रिया दिनुहोस्
Jagadamba Group
Jagadamba Group
संक्रमितकाे घरमै पुगेर हौसला दिँदैछन् इटहरीका जनप्रतिनिधि : उपमेयर औषधि लग्छन्, मेयर अक्सिजन सिलिन्डर
KNP nepal
KNP nepal
कुमार लुइँटेल
बाह्रखरी - कुमार लुइँटेल शुक्रबार, वैशाख ३१, २०७८
Laxmi Bank
Laxmi Bank

विराटनगर । सुनसरीको इटहरी–७ का केशव बस्नेत कोरोना संक्रमण पुष्टि भएपछि होम आइसोलेसनमा छन् । उनलाई एक्कासिन श्वास फेर्न गाह्रो भए जस्तो भयो । यो खबर इटहरी अस्पतालका इञ्चार्ज रामकुमार धमला समक्ष आइपुग्यो । कोभिडका बेला स्वास्थ्य समस्या परेका बेला धमलाले परामर्श दिने गरेका छन् । 

बस्नेतको समस्याबारे उपमेयर लक्ष्मी गौतमलाई जानकारी गराइयो । त्यसपछि गौतमको नेतृत्वमा चिकित्सकसहितको टोली बस्नेतको घर पुग्यो । आँगनबाहिरैबाट उपमेयरले औषधिको पोको टाटीमा झुन्ड्याइ दिइन । इन्चार्ज धमलाले झोलाको औषधि सेवन गर्न लगाए । औषधिले बस्नेतलाई श्वास प्रश्वासमा सहज भयो । 

Duber nepal

Agani Group

इमरजेन्सी इञ्चार्ज धमलाले तनाव नलिन र मनोबल उच्च बनाउन सल्लाह दिए । थप समस्या भए तत्काल उपमहानगरको स्वास्थ्य टोलीलाई टेलिफोन गर्न भने । चिकित्सक र स्थानीय सरकारका प्रतिनिधि घरमै आइपुग्दा बस्नेत खुसी देखिन्थे । उनले हात जोडेर नमस्कार गर्दै अभिवादन गरे । 

इटहरीकै पत्रकार कृष्ण भट्टराईलाई दोस्रोपटक कोरोना संक्रमण भयो । उनी घरमै होम आइसोलेसनमा छन् । उप–प्रमुख गौतमले फोन गरेर स्वास्थ्य अवस्थाबारे जानकारी लिइन् । अप्ठ्यारो भए सम्पर्क गर्न आग्रह गरिन् । भट्टराईले भने, “उपमेयरले फोन गर्नुभयो । स्वास्थ्य अवस्थाबारे जानकारी माग्नुभयो । र, समस्या भए टेलिफोन गर्न भन्नुभयो । उपमेयरले नै स्वास्थ्यबारे जानकारी लिँदा निक्कै आनन्द मिल्यो ।”

इटहरी उपमहानगरको स्वास्थ्य शाखाले अहिले होम आइसोलेसनमा रहेका संक्रमितको अवस्था बुझ्न प्रत्यक्ष भेटघाट गर्ने र टेलिफोन गरेर बुझ्ने काम गरिरहेको उपमेयर गौतमले बताइन् । “हामी स्थानीय सरकार भएको नाताले पनि आफ्ना नगरवासीको समस्या बुझ्न र हौसला बढाउने काममा सक्रिय भएका हौँ,” उनले भनिन् ।

महामारीमा जनप्रतिनिधि नागरिकको घरदैलोमै पुगेको देखेर मतदाता पनि खुसी छन् । इटहरी ४ का सन्तोषराज भटटराईले भने, “हामीले भोट दिएका जनप्रतिनिधिले हामी समस्या परेका बेला सोधखोज गर्नु सकारात्मक हो ।” 

उपमहानगरले क्षेत्रीय रंगशालामा ५० शैयाको अक्सिजनसहितको आइसोलेसन सञ्चालन गरेको छ । ६ शैयाको कोभिड अस्पताल सञ्चालनमा ल्याएको छ । हाल उपमहानगरमा ८४१ जनामा संक्रमण पुष्टि भएको छ । १२ जनाको मृत्यु भएको छ । १६८ जना संक्रमणमुक्त भएका छन । 

विराटनगर महानगरपालिकाका मेयर भीम पराजुली संक्रमितलाई समस्या परे आफैं अक्सिजन सिलिन्डर बोकेर घर घर पुग्छन् । कतिपयलाई अस्पताल भर्ना गराउन आफैं खटिन्छन् । पराजुली भन्छन्,“महानगरको प्रमुखको हिसाबले हामीले होम आईसोलेसनमा समस्यामा परेकाहरुलाई सहयोग गर्ने गरेका छौं ।” पराजुलीका अनुसार वडाहरुले संक्रमितलाई औषधिको पोकासमेत पठाउने गरेका छन । विराटनगरमा ज्येष्ठ नागरिकको स्वाब मोबाइल भेनमार्फत घरमै गएर संकलन गर्ने व्यवस्था पनि गरिएको छ । 
मोरङको उर्लाबारी नगरपालिकाका मेयर खड्ग फागोले आइसोलेसन निर्माण गर्न आफैँ अक्सिजन सिलिन्डर तथा आवश्यक उपकरण बोकेर राजघाटस्थित स्वास्थ्य कार्यालय पुगे । त्यहाँ नगरपालिकाले अक्सिजनसहितको ११ बेडको आईसोलेसन शुरु गरेको छ । 

Nepal Investment bank
Nepal Investment bank
शुक्रबार, वैशाख ३१, २०७८ मा प्रकाशित
TATA Landing
TATA Landing
प्रतिक्रिया दिनुहोस्