काठमाडौं । सरकारले कुनै निर्णय नगरे निषेधाज्ञामा कर नतिर्नेलाई जरिवाना हुने आन्तरिक राजस्व विभागले जनाएको छ । विभागले अहिले अनलाइनको माध्यमबाट नै राजस्व तिर्न सकिने भएकोले सकेसम्म व्यवसायीकलाई कर तिर्न आग्रह गरेको छ ।
अहिलेसम्म सरकारले कुनै निर्णय नगरेर र कर तिर्ने मसय थप नहुने हो भने कर नतिर्नेलाई कानुनबमोजिमको जरिवाना लाग्ने विभागका महानिर्देशक झक्कप्रसाद आचार्य बताउँछन् ।
“सरकारले कर तिर्ने समय थप गर्ने कुनै निर्णय गरेको छैन । यदि, सरकारले कुनै निर्णय गरेर भने तोकिएको समयमा कर तिर्नुपर्छ, नतिर्नेलाई कानुनबमोजिम लाग्ने जरिवाना लग्छ,” महानिर्देशक आचार्यले बाह्रखरीसँग भने ।
चैतमा मूल्य अभिवृद्धि कर (भ्याट) वैशाख २५ गतेभित्र तिर्नुपर्ने हुन्छ । काठमाडौं उपत्यकासहित मुख्य–मुख्य सहरमा निषेधाज्ञा भएकोले र व्यापार–व्यावसाय बन्द भएकोले व्यापारी–व्यवसायी कर कसरी तिर्ने भन्नेमा रहेका छन् । आन्तरिक राजस्व विभागले कनेक्ट आईपीएसका माध्यमबाट एकपटकमा १० लाखसम्म कर तिर्न सकिने र विवरण भेरिफिकेसन पनि अनलाइन नै हुने भएकोले सकेसम्म कर तिर्न आग्रह गरेको छ ।
यद्यपि, सरकारले कर तिर्न समय थप गर्ने निर्णय गरेमा भने विभागले सोहीअनुसार काम गर्ने उनले बताए ।
