site stats
बाह्रखरी :: Baahrakhari
अन्तर्वार्ता
Nabil BankNabil Bank
Sarbottam CementSarbottam Cement
‘उच्च रक्तचाप भएका व्यक्तिमा मस्तिष्काघातको जोखिम’
Ghorahi CementGhorahi Cement

काठमाडौं । मस्तिष्काघात जोकोहीलाई पनि हुन सक्छ । मस्तिष्काघातबाट जोगिन दैनिक आहारविहार, स्वास्थ्यप्रति सजग हुनुपर्ने आवश्यकता देखिन्छ । गएराति मात्र नेपाली कांग्रेसका नेता नवीन्द्रराज जोशी मस्तिष्काघातका कारण अहिले उपचाररत छन् । उनको उपचार काठमाडौंको थापाथलीमा रहेको नर्भिक अस्पतालमा भइरहेको छ । जोशीको उपचारमा संलग्न चिकित्सक डा. राजीव झा (नसारोग विशेषज्ञ) सँग मस्तिष्काघातबारे बाह्रखरीकी अस्मिता रिजालले गरेको संक्षिप्त कुराकानी । 

के-हो मस्तिष्काघात ?
रगत आपूर्ति गर्ने धमनीहरू फुटेर रक्तस्राव भई वा रक्तनलीभित्रै जमेर वा अन्य कारणले रक्तनली थुनिएर स्नायु तन्तुहरूमा अक्सिजन र अन्य तत्त्वहरू आपूर्ति हुन नसकेर तन्तुहरू मरेको अवस्था मस्तिष्काघात हो । सामान्यतः बिहानी समयमा यो समस्या देखिन्छ । सुतेको अवस्थामा रक्तसञ्चार सामान्य रहन्छ भने उठेर चल्दा हुने परिवर्तनले यो समस्या निम्त्याउनसक्छ । त्यस्तै हाम्रो शरीरले थेग्न नसक्ने व्यायामले पनि यो समस्या न्म्त्यिाउनसक्छ । 

Agni Group

कस्ता कस्ता व्यक्तिलाई हुनसक्छ मस्तिष्काघात ? 
उच्च रक्तचाप भएका व्यक्तिहरू मस्तिष्काघातको पहिलो जोखिम वर्ग हुन् । कब्जियत हुने समस्या भएका व्यक्तिहरूमा पनि यो समस्या देखिन सक्छ । नेपालको हकमा मस्तिष्काघात आमसमस्या हो । उच्च रक्तचापको जाँच नगर्ने अभ्यास, उच्च रक्तचाप भएका बिरामीले औषधिमा हेलचेक्रयाँईं गर्ने तथा मादक पदार्थको अत्यधिक सेवन गर्नाले यो समस्या धेरै देखिएको छ । 

मस्तिष्काघात भएका बिरामीहरू बाँच्ने अर्थात् निको हुने सम्भावना कति हुन्छ ? 
एकपटक मस्तिष्काघात भएका बिरामी बाँच्ने सम्भावना ३० प्रतिशत हुन्छ । हालसम्मको तथ्यांकअनुसार यो समस्या भएर ७० प्रतिशतले भने ज्यान गुमाएको रेकर्ड छ ।
 
बाँचेको खण्डमा बिरामीको दैनिकी कस्तो हुनसक्छ ?
यस्ता बिरामी कोमाबाट बाहिर आएर श्वासप्रश्वासलगायत प्रक्रिया सामान्य भएको खण्डमा उनीहरुलाई अस्पतालमा बढीमा चार साता उपचार गरेपछि पुन:स्थापना केन्द्रमा पठाइन्छ । केन्द्रमा कम्तीमा ६ महिना फिजियोथेरापीमार्फत उपचार गरेपछि अवस्था केही सामान्य हुनसक्छ । तर यस्ता बिरामीहरूमा लामो समयसम्म शरीरको कुनै पनि अंग नचल्ने पक्षाघातको अवस्था रहनसक्छ ।

Global Ime bank

कांग्रेस नेता नवीन्द्रराज जोशीलाई भएको मस्तिष्काघातको अवस्था कस्तो हो ? 
जोशी पहिलेदेखि नै मधुमेह र उच्च रक्तचापको बिरामी हुनुहुन्थ्यो । अहिले कोमाको अवस्थामा हुनुहुन्छ, अबको दुई दिनपछि उहाँको सिटिस्क्यान रिपोर्ट जाँच हुन्छ । उहाँको दायाँ साइडबाट रक्तस्राव भएको छ र अरुतिर पनि फैलिएको छ । मस्तिष्काघात भएको विपरीत साइडमा यसको असर देखिने भएकाले जोशीको बायाँ पाटोको हात-खुट्टालगायत शारीरिक अंगहरूमा लामो समयसम्म पक्षाघात रहनसक्छ ।

के गर्ने मस्तिष्काघात हुन नदिन ? 
४० वर्ष पुगेका व्यक्तिहरूले कुनै लक्षण नभए पनि कम्तीमा वर्षमा एकपटक पूरा शरीर जाँच गराउनु जरुरी छ । सामान्य टाउको दुखाइलाई समेत बेवास्ता गर्नु हुँदैन यदि अचानक दुखेको खण्डमा । उच्च रक्तचापका बिरामीले औषधि नियमित गर्नुपर्छ । सामान्य व्यक्तिमा समेत मादक पदार्थको सेवन भने मस्तिष्काघातको अर्को प्रमुख कारण हो । 

NIBLNIBL
प्रकाशित मिति: शुक्रबार, फागुन १४, २०७७  २२:३२
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC