site stats
बाह्रखरी :: Baahrakhari
विशेष
Nabil BankNabil Bank
Sarbottam CementSarbottam Cement
काठमाडौं अदालतमा एक भारतीय नागरिकले कोरोनाले आफूलाई केही गर्न नसक्ने बताएपछि...
Ghorahi CementGhorahi Cement

काठमाडौं । काठमाडौं जिल्ला अदालतमा एकजना भारतीय नागरिकले अस्वाभाविक व्यवहार देखाएपछि उनको कोरोनाभाइरस परीक्षण गरेपछि मात्र बयानका लागि ल्याउन आदेश भएको छ ।

आफू भारतीय नागरिक भएको बताउने मोहम्मद हैदर अलीले काठमाडौं जिल्ला अदालतको इजलाशमा कोरोनाले आफूलाई केही गर्न नसक्ने भन्दै मास्क फयाँक्ने, ढोकामा लड्ने र जथाभावी बोल्नेजस्ता अस्वाभाविक व्यवहार देखाएका हुन् ।

Agni Group

न्यायाधीश श्रीकृष्ण भट्टराइको इजलाशमा गत मंगलबार अलीविरुद्ध चोरीको मुद्दा सुनुवाइका क्रममा अलीले आफुलाई बियर खान दिएमात्र बयान दिने भन्दै मास्कसमेत फ्याँकेको जिल्ला अदालतले गरेको आदेशमा उल्लेख छ । 

“इजलासमा आफु पागल भएको, आफुलाई गोली हाने पनि नडराउने, आफुलाई कोरोनाले केही पनि गर्न नसक्ने, अल्लाहले बचाउने भनी फेस मास्कसमेत खोलेर इजलासमै फयाँकेको र निजलाई अंगे्रजी भाषामा सम्झाई बुझाइ गर्दासमेत भनेको नमानी बयान गर्न समेत नमानी ढोकामा लड्ने र जथाभावी बोल्नेजस्ता अस्वाभाविक व्यवहार इजलाससमक्ष प्रदर्शन गरेको,” आदेशमा उल्लेख छ । 

Global Ime bank

कोरोना परीक्षणपछि मात्र बयानमा ल्याउनू 

न्यायाधीश भट्टराईले मास्क फालेर अस्वाभाविक व्यवहार गरेका अलीलाई कोरोनाभाइरसको परीक्षणपछि मात्र अदालतमा बयानका लागि ल्याउन आदेश गरेका छन् ।  त्यस्तै, उनी पागल भएको, नभएको स्वास्थ्य परीक्षण गरि रिपोर्ट आएपछि मात्र इजलाससमक्ष पेश गर्न भनिएको छ । 

त्यस्तै अलीले आफुलाई भारतीय नागरिक दाबी गरेकाले उनी भारतीय नागरिक पुष्टि हुने अवस्थामा परराष्ट्र मन्त्रालयमार्फत भारतीय राजदूतावासलाई जानकारी गराई उनले बोलेको भाषा बुझ्ने दोभाषे  र राजदूतावासबाट कुनै प्रतिनिधि उपस्थित भए उनीहरुसँगै अलीलाई इजलाशमा ल्याउन आदेशमा भनिएको छ । 


 

NIBLNIBL
प्रकाशित मिति: सोमबार, वैशाख ८, २०७७  ०९:४१
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
ICACICAC