site stats
बाह्रखरी :: Baahrakhari
राजनीति
जलवायु परिवर्तनका असर न्यूनीकरणका लागि नेतृत्व लिन तयार छु : सभापति देउवा

काठमाडौं । नेपाली कांग्रेसका सभापति शेरबहादुर देउवाले जलवायु परिवर्तनका असर न्यूनीकरणका लागि सबै राजनीतिक दलहरूको साझा धारणा बनाएर अघि बढ्ने कुराको नेतृत्व गर्न आफू तयार रहेको बताएका छन् । आइतबार पार्टी केन्द्रीय कार्यालय सानेपामा आयोजित वातावरण तथा जलवायु परिवर्तन सरोकार संवाद कार्यक्रमलाई सम्बोधन गर्दै देउवाले यस्तो बताएका हुन् । 

उनले कार्बन उत्सर्जनमा नगण्य योगदान हुँदाहुँदै पनि अत्यधिक असर भोगिरहेका हिमाली क्षेत्रका यथार्थ स्पष्ट रहेको उल्लेख गरे । निरन्तर पग्लिरहेको हिमनदी, ग्लेसियरहरूले हिमाली क्षेत्रको समुदायलाई मात्र नभइ तल्लो तटीय समुदाय पनि प्रभावित बनेको बताए । 

Argakhachi Cement Island Ad

जलवायु संकट समाधानमा अगाडिको बाटो चुनौतीपूर्ण रहेको बताउँदै समाधानको सम्भावनाले भरिएको उल्लेख गरे । नेपाल पीडित मात्रै नभइ समाधान दिनसक्ने देशको छवि निर्माण गरिहेको बताए । जलवायु परिवर्तनका असर न्यूनीकरणमा नेपालले गरिरहेका प्रयास ब्राजिलमा हुने कोप ३० मा प्रस्तुत गर्नुपर्ने उनको भनाइ छ । 

वातावरण तथा जलवायु परिवर्तन सरोकार सम्बन्धमा आएको चुनौतीपूर्ण समाधान गर्न ठूलो दलको हैसियतले नेपाली कांग्रेस सबै दलको साझा धारणा बनाउने प्रयासका लागि नेतृत्व लिन तयार रहेको बताए । न्युज एजेन्सी नेपाल

प्रकाशित मिति: आइतबार, जेठ १८, २०८२  १६:०८
प्रतिक्रिया दिनुहोस्