युद्धविरामपछि सुरु भएको आईपीएलको पहिलो खेल वर्षाका कारण रद्द, कोलकाताकाे प्लेअफ सम्भावना समाप्त

खेल

आइतबार, जेठ ४, २०८२

युद्धविरामपछि सुरु भएको आईपीएलको पहिलो खेल वर्षाका कारण रद्द, कोलकाताकाे प्लेअफ सम्भावना समाप्त

काठमाडौं । भारत र पाकिस्तानबीच तनाव भएपछि स्थगित भएर पुनः सुरु भएको इन्डियन प्रिमियर लिग (आईपीएल)को पहिलो खेल वर्षाका कारण रद्द भएको छ । यसअघि भारत र पाकिस्तानबीच हवाई हमलाका कारण भारतीय क्रिकेट बोर्ड (बीसीसीआई)ले प्रतियोगिता एक हप्ता स्थगित गर्ने निर्णय गरेको थियो ।

शनिबार बेंगलुरुमा हुने तालिका रहेको घरेलु टिम रोयल च्यालेन्जर्स बेंगलुरु र कोलकाता नाइट राइडर्सबीचको खेल वर्षाका कारण टस समेत नभई रद्द भएको हो । यो नतिजासँगै साविक विजेता समेत रहेको कोलकाता प्रतियोगिताको प्लेअफ समीकरणबाट बाहिरिने चौथो टोली बनेको छ ।

कोलकाता १३ खेलबाट १२ अंकसहित तालिकाको छैटौँ स्थानमा छ । यता, तालिकाको शीर्ष स्थानमा आसिन बेंगलुरु भने तालिकाको शीर्ष स्थानमा कायमै छ । बेंगलुरुले १२ खेलबाट १७ अंक जोडेको छ ।