डोलेश्वर भिलेज रिसोर्टले आईपीओ निष्कासन गर्ने, सिटिजन्स क्यापिटल परामर्शदाता

अर्थ व्यवसाय

डोलेश्वर भिलेज रिसोर्टले आईपीओ निष्कासन गर्ने, सिटिजन्स क्यापिटल परामर्शदाता

बिहीबार, जेठ १, २०८२

डोलेश्वर भिलेज रिसोर्टले आईपीओ निष्कासन गर्ने, सिटिजन्स क्यापिटल परामर्शदाता

काठमाडौं । डोलेश्वर भिलेज रिसोर्ट एन्ड फार्म हाउस प्रालिले प्राथमिक सेयर (आईपीओ) निष्कासन गर्न सिटिजन्स क्यापिलको परामर्शदाताको रूपमा सहयोग लिने भएको छ । सम्झौतामा रिसोर्टका तर्फबाट अध्यक्ष रामनाथ मैनाली र क्यापिटलका तर्फबाट प्रमुख कार्यकारी अधिकृत सबिर बादे श्रेष्ठले हस्ताक्षर गरे ।

सम्झौतापछि सिटिजन्स क्यापिटलले रिसोर्टलाई प्रालिबाट पब्लिक कम्पनीमा रूपान्तरण गर्न तथा सार्वजनिक निष्कासन (आईपीओ) अनुमति लिन सबै तयारी कार्य परामर्श सेवा दिननेछ ।

०७६ सालदेखि कारोबार सुरु भएको रिसोर्ट भक्तपुरको डोलेश्वरमा १० रोपनी क्षेत्रफलमा फैलिएको छ । रिसोर्टमा अहिले १५ कोठा रहेकामा बढाएर ३५ कोठा पुर्‍याउने लक्ष्यछ । अहिले स्विमिङ पुल पनि निर्माणाधीन अवस्थामा रहेको कम्पनीले जनाएको छ ।

रिसोर्टमा ३०० जनासम्मको क्षमता भएको ठूलासाना गरी तीन सभा हल छन् ।