काठमाडौं । इसेवा मनि ट्रान्सफरले ‘मेरो डिजिटल देश’ अभियानअन्तर्गत, भाग्यशाली विजेता अञ्जुला घिमिरेलाई घर हस्तान्तरण गरेको छ । कम्पनीका ब्रान्ड एम्बास्डर तथा कम्पनी व्यवस्थापन समिति सदस्यबीच हस्तान्तरण भएको हो ।

इसेवा मनि ट्रान्सफरले नोभेम्बर २८, २०२४ मा कान्तिपुर टेलिभिजन, इसेवा मनि ट्रान्सफर र इसेवाका आधिकारिक फेसबुक पेजमार्फत प्रत्यक्ष प्रसारित डिजिटल गोलाप्रथाको माध्यमबाट ‘मेरो डिजिटल देश’ अभियानको विजेता घोषणा गरेको थियो । जसअन्तर्गत, रोमानियामा विगत दुई वर्षदेखि पिज्जा बनाउने कम्पनीमा कार्यरत अन्जुला घिमिरे विजेता बनेकी थिएन् ।

इसेवा मनि ट्रान्सफरका प्रमुख कार्यकारी अधिकृत अजेश कोइरालाले विजेता अन्जुला घिमिरे र उनको परिवारलाई सपनाको घर जितेको अवसरमा बधाई दिँदै, विश्वभर रहेका नेपालीहरूको उत्साहजनक सहभागिताप्रति आभार व्यक्त गरे ।