काठमाडौं । अमेरिकी राष्ट्रपति डोनाल्ड ट्रम्प प्रशासनले हार्वर्ड विश्वविद्यालयलाई अर्को धम्की दिएको छ । ट्रम्प प्रशासनले विश्वविद्यालयमा विदेशी विद्यार्थीहरूको प्रवेशमा प्रतिबन्ध लगाउने धम्की दिएको छ ।

अमेरिकी गृह सुरक्षा सचिव क्रिस्टी नोएमले विश्वविद्यालयलाई ‘राष्ट्रिय सुरक्षालाई खतरामा पार्ने’ र ‘यहूदी विरोधी भावनाको सिकार भएको’ आरोप लगाएकी छन् ।

उनले विश्वविद्यालयलाई पत्र लेख्दै आफ्ना विदेशी विद्यार्थीहरूको ‘अवैध र हिंसात्मक’ गतिविधिहरूको विस्तृत रेकर्ड माग गरेकी हुन् ।

यस वर्ष, हार्वर्ड विश्वविद्यालयको भर्नामा अन्तर्राष्ट्रिय विद्यार्थीहरूको संख्या २७५ भन्दा बढी छ ।

विश्वविद्यालयले अमेरिकी राष्ट्रपतिको कार्यालय ह्वाइट हाउसले पठाएको मागहरूको सूची दिन अस्वीकार गरेको थियो ।

ह्वाइट हाउसले विश्वविद्यालयको प्रशासन, भर्ती र भर्ना प्रक्रियामा परिवर्तनको लागि मागहरूको सूची पठाएको छ ।

हार्वर्ड विश्वविद्यालयले यी मागहरूलाई अस्वीकार गर्दै ह्वाइट हाउसले यसलाई नियन्त्रण गर्न खोजिरहेको जनाए । यसपछि ट्रम्प प्रशासनले विश्वविद्यालयलाई दिँदै आएको दुई अर्ब अमेरिकी डलरको कोष रोक्ने घोषणा गरेको थियो । बीबीसी