काठमाडौं । काठमाडौं महानगरपालिकाले बालुवाटार क्षेत्रमा साइकलयात्रीमथि बल प्रयोग गर्ने नगरप्रहरीहरूलाई कारबाहीका लागि महानगर प्रहरी बलको कार्यालयमा तानेको छ । 

उक्त क्षेत्रमा बुधबार बिहान नगरप्रहरी इन्सपेक्टर शम्भु विष्टको नेतृत्वमा रहेको नगरप्रहरी टोलीले एक साइकलयात्रीलाई  लछारपछार पारी उनको साइकल कब्जामा लिएको थियो । 

• साइकलमा सवार व्यक्तिमाथि नगरप्रहरीको दुर्व्यवहार, कारबाहीमा तानिए इन्स्पेक्टर विष्ट

उक्त कार्य अमर्यादित तथा गैह्रव्यावसायिक ढंगको भएको भन्दै महानगर प्रहरी ऐन, २०८० बमोजिम महानगर प्रहरी बल प्रमुख राजुनाथ पाण्डेले उनीहरूलाई जिम्मेवारीमुक्त गरी प्रहरी बलको कार्यालयमा तानेका हुन् ।