काठमाडौं । काठमाडौंको शंखपार्कको वायु 'अति अस्वस्थकर' भएको छ । सोमबार बिहान ११ः३० बजे शंखपार्कमा वायुको गुणस्तर मापदण्ड (एक्यूआई) २०८ पुगेको वातावरण विभागको तथ्यांक छ ।

विभागका अनुसार, उपत्यकाका चारसहित देशका ६ स्थान अस्वस्थकर छन् । काठमाडौंको रत्नपार्कको एक्यूआई १९०, भक्तपुरको १८३, ललितपुरको भैँसेपाटीको १८४ र खुमलटारको १७४ पुगेको छ ।

सोही समयमा उपत्यकाबाहिर धनगढीको एक्यूआई १५४ र इलामको १५२ मापन भएको छ । यीबाहेक अन्य सहरको एक्यूआई १५० भन्दा कम छ ।

एक्यूआई १०१ देखि १५० को वायु बालबालिका, वृद्धवृद्धा र दीर्घरोगीका निम्ति अस्वस्थकर हुन्छ । त्यो १५१ देखि २०० सम्म पुगेमा सबैका निम्ति अस्वस्थकर हुन्छ ।

यस्तै, २०१ देखि ३०० सम्म पुगेमा ‘अति अस्वस्थकर’ र त्योभन्दा माथि भएमा ‘खतरनाक’ तथा बन्दै जाने विश्व स्वास्थ्य संगठन (डब्ल्यूएचओ)को मापदण्ड छ ।