काठमाडौं । राजतन्त्र समर्थकहरूले शुक्रबार आयोजना गरेको प्रदर्शनले हिंसात्मक रूप लिएको छ । 

उनीहरूले व्यक्तिहरूको निजी सम्पत्ति, सञ्चारमाध्यमका कार्यालय तथा राजनीतिक दलका कार्यालयमा तोडफोड तथा आगजनी गरेका छन् । 

प्रदर्शनकारीलाई नियन्त्रणमा लिन प्रहरीले अश्रुग्यास, पानीको फोहोरा तथा हवाइ फायर पनि गरेको थियो । प्रदर्शन हिंसात्मक भएपछि काठमाडौं जिल्ला प्रशासनले तीनकुने क्षेत्रमा कर्फ्यु लगाएको छ सो क्रममा नेपाली सेना सडकमा आएको छ । 

बालकुमारी क्षेत्रमा भाटभटेनी सुपरमार्केटमा प्रदर्शन कारीले लुटपाट मच्चाएका छन् । अहिले ललितपुर क्षेत्रमा पनि सेना सडकमा आएको छ ।