काठमाडौं । नेपाली कांग्रेसका सांसद रामहरि खतिवडाले पूर्वराजा ज्ञानेन्द्र शाहले प्रजातन्त्र दिवसको अवसरमा दिएको भिडियो सन्देशमा 'श्री ५ महाराजधिराज' भनिएको र 'शाही निसान' प्रयोग गरिएकोमा आपत्ति जनाएका छन् ।

बिहीबार प्रतिनिधिसभाको बैठकमा उनले भने, “पूर्वराजा ज्ञानेन्द्रले फागुन ६ गते दिएको भिडियो सन्देशमा श्री ५ महाराजधिराज भनेर प्रयोग गरिएको र शाही निसान प्रयोग गरेको देखियो । शाही निसान ०६५ जेठ १७ गते हटाएर राष्ट्रिय झन्डा राखिएको थियो ।”

• ...अनि ज्ञानेन्द्र शाहले गणतन्त्रमै शाही निसान प्रयोग गर्दै लेख्न थाले ‘श्री ५’