site stats
बाह्रखरी :: Baahrakhari
प्रविधि
Global Ime bankGlobal Ime bank
अन्तरिक्षमा फसेका दुई अन्तरिक्षयात्री मंगलबार पृथ्वीमा फर्कने : नासा

वासिङटन । अन्तर्राष्ट्रिय अन्तरिक्ष केन्द्रमा नौ महिनाभन्दा बढी समयदेखि फसेका अमेरिकी अन्तरिक्षयात्री बुच विल्मोर र सुनीता विलियम्सलाई मंगलबार साँझ पृथ्वीमा फर्काइने नासाले जनाएको छ । 

विल्मोर र विलियम्सलाई आइतबार बिहान अन्तरिक्षमा पुगेका अरू अमेरिकी र एक रुसी अन्तरिक्षयात्रीसँग स्पेसएक्स यानमा पृथ्वीमा फर्काइनेछ । उनीहरू सन् २०२४ को जुनमा बोइङ स्टारलाइनर अन्तरिक्षयानको पहिलो परीक्षण यात्राका क्रममा प्रणोदन (प्रोपल्सन वा प्रणोदन भनेको कुनै पनि वस्तुको अनुवादात्मक गतिलाई परिमार्जन गर्न धक्का वा तान्ने कुनै पनि संयोजनद्वारा शक्तिको उत्पादन हो।)मा समस्या देखिएपछि पृथ्वीमा फर्कन असमर्थ भएका थिए । र, नौ महिनादेखि अन्तरिक्षमा रहँदै आएका छन् ।

नासाका निक हेग र रोस्कोस्मोस अन्तरिक्षयात्री अलेक्जेन्डर गोर्बुनोभ पनि ड्रागन क्याप्सुलमा फर्कनेछन् । विल्मोर र विलियम्सका निम्ति यो एक परीक्षाको अन्त्यको प्रतीक हुनेछ ।

उनीहरूको बसाइ लगभग ६ महिनाको अन्तरिक्षयात्रीका निम्ति मानक आईएसएस रोटेसनभन्दा धेरै लामो भएको छ । तर, यो सन् २०२३ मा नासाका अन्तरिक्षयात्री फ्रान्क रुबियोले बनाएको ३७१ दिनको अमेरिकी अन्तरिक्ष रेकर्ड वा मिर अन्तरिक्ष स्टेसनमा लगातार ४३७ दिन बिताएका रुसी अन्तरिक्षयात्री भ्यालेरी पोल्याकोभको विश्व रेकर्डभन्दा छोटो हो ।

तैपनि, आफ्नो परिवारबाट लामो समयसम्म टाढा रहनुको अनपेक्षित प्रकृतिले उनीहरूप्रतिको चासो र सहानुभूति बढाएको छ । उनीहरूले यति लामो समयका निम्ति अतिरिक्त लुगाफाटा र व्यक्तिगत हेरचाहका सामान समेत साथमा लगेका थिएनन् । रासस/एएफपी

प्रकाशित मिति: सोमबार, चैत ४, २०८१  १३:४८
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
Hamro patroHamro patro