काठमाडौं । चलचित्र ‘जनै हराएको बाहुन’ले रिलिज डेट घोषणा गरेको छ । निर्माणपक्षका अनुसार यो चलचित्र हरितालिका तिज अर्थात् भदौ १० गते रिलिज हुनेछ । 

यो चलचित्रमा विजय बराल र मनिष राउत मुख्य भूमिकामा छन् । ‘जनै हराएको बाहुन’मा आमा र छोराबीचको इमोस्नल कथा छ । 

‘जनै हराएको बाहुन’लाई हिमाल न्यौपानेले निर्देशन गर्नेछन् । यो चलचित्रको असोसियट निर्देशक ‘प्रेमगीत ३’ अभिनेता मनिष राउत छन् । 

पेपरक्लिप प्रालिले निर्माण गर्न लागेको नयाँ कथा र आकर्षक सिनेमाको कथा, पटकथा र संवाद भानुभक्त ढकालले लेखेका छन् । 

चलचित्रले गाउँबाट सहर आएको एक सामान्य व्यक्तिले भोग्नुपरेका अनपेक्षित परिस्थिति र त्यसले उनको जीवनमा ल्याएको परिवर्तनको कथालाई भन्नेछ । 

चलचित्रको निर्मातामा सिआर बस्नेत, कमल न्यौपाने, आरके मानन्धर, विमल न्यौपाने, फिलिप डिसी र निशान्त श्रेष्ठ रहेका छन् । 

चलचित्रमा नवीन गुरुङ छायांकार, क्रियटिभ निर्देशक सम्राट महर्जन (ज्याक), भिएफक्स सुपरभाइजरको रुपमा मयंक निरौला रहेका छन् ।

यो वर्षको अन्त्यसम्ममा चलचित्र छायांकनमा जानेछ । २०८२ सालमा दर्शकमाझ आउने चलचित्रको केही कलाकारका लागि अडिसन आह्वान गरेको छ ।