काठमाडौं । चलचित्र ‘वरिष्ठ बलराम’को शुभमुहूर्त भएको छ । काठमाडौंमा चलचित्रको आज मुहूर्त गरिएको हो । 

लक्ष्मी पूजाका दिन कात्तिक ३ गते रिलिज हुने चलचित्रलाई सुरेन्द्र पौडेलले निर्देशन गर्नेछन् । 

चलचित्रमा दयाहाङ राई, विजय बराल, पशुपति राई, गौमाया गुरुङ, समृद्धि अर्याल, माओत्से गुरुङलगायत कलाकारको अभिनय रहनेछ ।

आशिस एच तामाङ र श्रीराज कार्की निर्माताका रूपमा रहेका छन् ।

निर्देशक पौडेलकै कथा र सम्पादन रहने चलचित्रको पटकथा महेश दवाडीले लेखेका छन् । 

सामाजिक कथावस्तुमा आधारित ‘वरिष्ठ बलराम’को छायांकन तराईका विभिन्न जिल्लामा हुने निर्देशक पौडेलले बताएका छन् । चलचित्रमा मनकृष्ण महर्जनको डीओपी रहनेछ  ।

चलचित्रमा प्रशान्त शिवाकोटी संगीत, सम्राट शाक्य एक्सन निर्देशन, प्रदीप लामाको कोरियोग्राफी रहनेछ ।

‘वरिष्ठ बलराम’ वृषभ सिद्धी इन्टरटेनमेन्टको ब्यानरमा निर्माण हुनेछ । सामाजिक कथावस्तु पस्किने चलचित्र सन्देशमूलकसँगै मनोरञ्जनप्रधान हुने निर्माण पक्षले बताएको छ ।