काठमाडौं । नेपाली राष्ट्रिय महिला फुटबल टोलीकी कप्तान तथा गोलकिपर एन्जिला तुम्बापो सुब्बाले नेपाली फुटबल समर्थकहरूसँग माफी मागेकी छन् । 

बिहीबार एन्जिलाले सामाजिक सञ्जाल फेसबुकमा लामो स्टाटस लेख्दै चारदेशीय अन्तर्राष्ट्रिय फुटबल प्रतियोगिताको फाइनलमा म्यानमारसँग पराजित भएकोमा माफी मागेकी हुन् ।

उनले लेखेकी छिन्, “हामी फाइनलमा पुग्यौँ तर चुक्यौँ । कप्तानको रूपमा म सबै समर्थकसँग माफी माग्न चाहन्छु ।” बुधबार त्रिपुरेश्वरस्थित दशरथ रंगशालामा म्यानमारसँग नेपाल २–० ले पराजित भएको थियो ।

करिब १६ हजार दर्शकबीच बुधबार पनि उपविजेता बनेपछि स्वर्ण जित्ने सपना पुनः पूरा नभएको उनले बताइन् । “मैदानमा उपस्थित १६ हजार दर्शक र सधैँ हामीलाई माया गर्ने करोडौँ समर्थकहरू हामीले तपाईंहरूले अपेक्षा गरेको नतिजा दिन सकेनौँ,” उनले लेखेकी छन् । । 

उनले अपेक्षाअनुसार प्रदर्शन नगरे पनि आलोचना नगर्न आग्रह गरिन् । “कृपया खेलाडीहरूलाई आलोचना नगर्नुस् । हामी सबैले आफ्नो मिहिनेत गरेका छौँ,” उनी लेख्छिन्, “नतिजा जस्तो भए पनि तपाईंहरूको सम्पूर्ण प्रशंसनीय छ । निरन्तर अगाडि बढ्नुहोस् ।”