काठमाडौं । टर्कीस सुपर लिगको क्लब गलाटासेरेले फेनेरबाचेका मुख्य प्रशिक्षक जोजे माउरिन्होले ‘रंगभेदी अभिव्यक्ति’ दिएको भन्दै त्यसविरुद्ध कानुनी प्रक्रियामा जाने जनाएको छ । सोमबार गालाटारेसो र फेनेरबाचेबीच सम्पन्न खेलमा माउरिन्होले विवादास्पद अभिव्यक्ति दिएपछि गलाटासेरेले कानुनी प्रक्रियामा जाने बताएको हो । उक्त खेल गोलरहित बराबरीमा समाप्त भएको थियो ।

गलाटासेरेले जारी गरेको विज्ञप्तिमा माउरिन्होको कुन कुरा रंगभेदी भएको खुलाएको छैन । तर, खेलका दौरान माउरिन्होले ‘बेन्चमा रहेका खेलाडी बाँदर जस्तै उफ्रिएको’ र टर्कीस रेफ्रीले खेल खेलाएको भए ‘उत्पात’ हुन सक्ने बताएका थिए ।

गलाटासेरोले एक्समा पनि भनेको छ, “माउरिन्होले जिम्मेवारी पाएदेखि लगातार टर्कीस नागरिकविरुद्ध अपमानजनक अभिव्यक्ति दिएका छन् । आज उनको अभिव्यक्ति अनैतिक र अमानवीय बनेको छ । हामी यसका विरुद्ध कानुनी उपचार खोज्ने र यूईएफए र फिफामा उजुरी गर्नेछौँ ।”

चेल्सी, म्यानचेस्टर सिटी र टोटनहमका पूर्वप्रमुख प्रशिक्षक माउरिन्होलाई केही समयअगाडि टर्किस प्रतिनिधिहरूमाथि टिपणी गरेको कारण जरिवाना र केही खेलमा निलम्बन गरिएको थियो ।