काठमाडौं । एट्लेटिको मड्रिडका मुख्य प्रशिक्षक डिएगो सिमोनले टोलीका स्ट्राइकर जुलियन अल्भारेजको प्रशंसा गरेका छन् । शनिबार एट्लेटिकोले भ्यालेन्सियालाई ३–० हराउँदा दुई गोल गरेपछि मुख्य प्रशिक्षक सिमोनले अल्भारेजको प्रशंसा गरेका हुन् ।

खेलपश्चात् सञ्चारकर्मीहरूसँग अन्तर्क्रिया गर्दै उनले भने, “उसलाई अनुबन्ध गर्दाको हाम्रो अपेक्षाअनुसार उनले अझै पनि प्रदर्शन गर्न सकेका छैनन् । तर, पनि अल्भारेजमा एट्लेटिकोको डीएनए थियो भन्ने कुरामा म विश्वस्त थिए । २५ वर्षको उमेरमै उसले सबै उपाधि जितेको छ । उसले अर्जेन्टिनाबाट विश्वकप र सिटीबाट प्रिमियर लिगसँगै च्याम्पियन्स लिगको उपाधि जितेको छ । उनमा विनम्र भाव छ । यी कुराहरूले उसलाई अरुभन्दा फरक खेलाडी सावित गर्दछ ।”

यो जितसँगै एट्लेटिको ५३ अंक बटुल्दै ला लिगाको दोस्रो स्थानमा उक्लिएको छ । जुन शीर्षस्थानको बार्सिलोनाको भन्दा एक अंकमात्रै कम हो ।