काठमाडौं । नेपाली कांग्रेसका महामन्त्री गगन थापाले पछिल्लोपटक पूर्वराजाबाट आएको अभिव्यक्तिलाई लोकतन्त्रको गहनाका रूपमा लिनुपर्ने बताएका छन् । शुक्रबार विराटनगरमा सञ्चारकर्मीसँग कुरा गर्दै महामन्त्री थापाले दलहरूले राजनीतिक कर्ममा सुधार गरेर त्यसको जवाफ दिनुपर्ने बताए । 

उनले नेपाली कांग्रेसको महाधिवेशन तोकिएको समयमा नै हुने दाबी गरे । महाधिवेशनको तयारी सुरु भइसकेको भन्दै उनले तोकिएको समयमा नै सम्पन्न हुने बताए । 

अधिवेशनको समयमा मात्र प्रतिस्पर्धा गर्ने प्रणाली विकास गर्न र अन्य समय पार्टी संगठन र अन्य जिम्मेवारी पूरा गर्नमा समय लगाउन नेता तथा कार्यकर्तालाई उनले आग्रह गरे । 

महामन्त्री थापाले एउटा दलले गरेको गलत कार्यबाट असन्तुष्ट हुनेले व्यवस्थाभन्दा पनि अन्य दल रोज्न पाउने लोकतन्त्रको मूल्य मान्यतालाई आत्मसात् गर्नुपर्ने धारणा राखे । 

पार्र्टीभित्रैबाट सरकारको विरोध भइरहेको प्रश्नको जवाफमा महामन्त्री गगन थापाले सरकारविरुद्धको खबरदारीले सरकारलाई सुधार्न र गलत काम रोक्न मद्दत पुग्ने समेत बताए ।