जेल ब्रेकको १२ वर्षपछि पक्राउ परेका सिंहलाई काठमाडौं ल्याइयो

देश

जेल ब्रेकको १२ वर्षपछि पक्राउ परेका सिंहलाई काठमाडौं ल्याइयो

आइतबार, फागुन ४, २०८१

जेल ब्रेकको १२ वर्षपछि पक्राउ परेका सिंहलाई काठमाडौं ल्याइयो

काठमाडौं । कैलाली कारागारले देवबहादुर सिंह उर्फ दीपकबहादुर सिंहलाई काठमाडौं सुन्धारास्थित केन्द्रीय कारागार सरुवा गरेको छ ।

कैलाली कारागारबाट १२ वर्षअघि भागेका सिंहलाई कैलाली प्रहरीले माघ ३० मा कञ्चनपुरबाट पक्राउ गरेको थियो । पक्राउलगत्तै जिल्ला कारागार कैलाली बुझाइएका सिंहलाई केन्द्रीय कारागार सुन्धारा पठाइएको हो । कैलाली प्रहरी प्रमुख एसएसपी पदम विष्टका अनुसार शनिबार नै सिंहलाई हवाईजहाजमार्फत काठमाडौं पठाइएको हो ।

सिंहलाई कैलाली कारागारमै राख्दा सुरक्षा चुनौती देखिएपछि उनलाई काठमाडौं पठाइएको हो । ०६४ फागुन २४ मा गोदावरी–७ का युवा बमबहादुर साउदको गोली हानी हत्या गरेको अभियोगमा उनलाई कैलाली जिल्ला अदालतले ०६७ मंसिर २७ मा सर्वस्वसहित जन्मकैदको सजाय सुनाएको थियो ।

यसबाहेक उनीविरुद्ध दर्जनौँ अपराधका मुद्दा अदालतमा अझै विचाराधीन छन् ।