काठमाडौं । अनलाइनमा जुवा खेलाउने कम्पनीहरूले आफ्नो वेबसाइटका प्रयोगकर्ताको डाटा संकलन गरेर फेसबुकलाई उपलब्ध गराइरहेको खुलेको छ । जुवा खेलाउने वेबसाइटले डाटा सुरक्षा कानुनको उल्लंघन गर्दै फेसबुकको मुख्य कम्पनी मेटालाई यस्तो विवरण उपलब्ध गराइरहेको पाइएको हो ।

मेटाले यस्ता व्यक्तिलाई जुवाडेका रूपमा राखेर क्यासिनो र सट्टेबाजी साइटहरूको विज्ञापनको बाढी फैलाइरहेको द गार्जियनले उल्लेख गरेको छ ।

बेलायतका जुवा खेलाउने वेबसाइटका प्रयोगकर्ताले हेर्ने वेबपेज, उनीहरूले क्लिक गरेको बटनलगायत विवरण ती वेबसाइटले मेटालाई उपलब्ध गराइरहेका हुन् ।

नेपालमा समेत अवैध रहेको गेम्बलिङ तथा बेटिङ (जुवा खेलाउने) वेबसाइटहरूले फेसबुकमा धेरै विज्ञापन गर्ने गरेका छन् ।