site stats
बाह्रखरी :: Baahrakhari
खेल
Global Ime bankGlobal Ime bank
नेपाललाई नेदरल्यान्ड्सले दियो १५८ रनको लक्ष्य 

काठमाडौं । त्रिदेशीय महिला क्रिकेट शृंखलाको पहिलो खेलमा नेपाली टिमले नेदरल्यान्ड्सबाट १५८ रनको लक्ष्य पाएको छ । बिहीबार कीर्तिपुरस्थित त्रिवि क्रिकेट मैदानमा जारी खेलमा टस हारेर ब्याटिङमा आएको डच टोलीले निर्धारित २० ओभरमा चार विकेट गुमाएर १५७ रनको योगफल खडा गरेको हो । 

नेदरल्यान्ड्सकी राविन रिकेले सर्वाधिक ५९ रन बनाइन् । अविजित रहेकी रेकीले ४८ बलमा आठ चौका प्रहार गरिन् ।

हिथर सिगर्सले १९ बलमा एक चौका र एक छक्कासहित २३ रन बनाइन् । ओपनर स्टेरे कालिसले २९ रन थपिन् । इरिस ज्विलिङले १३ बलमा पाँच चौकासहित ३१ रन जोडिन् ।

नेपालकी कविता कुवँर, पूजा महतो, ईश्वरी विष्ट र सीता रानामगरले समान एक विकेट लिइन् । 

ट्वान्टी–२० अन्तर्राष्ट्रिय महिला क्रिकेटमा नेपाल र नेदरल्यान्ड्सबीचको यो पहिलो खेल हो । आजदेखि सुरु भएको प्रतियोगितामा नेपाल र नेदरल्यान्ड्ससँगै थाइल्यान्डको सहभागिता छ ।

प्रतियोगिताका सबै खेलहरु कीर्तिपुरस्थित त्रिवि क्रिकेट मैदानमा हुने तालिका छ । प्रतियोगिताका निम्ति दर्शकलाई नि:शुल्क प्रवेशको व्यवस्था गरिएको नेपाल क्रिकेट संघ (क्यान)ले जनाएको छ ।

प्रकाशित मिति: बिहीबार, माघ १७, २०८१  १३:४६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro