सिड्नी । सिड्नीमा रहेका नेपालका पूर्वकराँते खेलाडीहरूले ‘एभरेस्ट मार्सल आर्ट्स एकेडेमी’ सञ्चालनमा ल्याएका छन् । एकेडेमीको स्थापना सिड्नीस्थित ग्रानभिलमा गरिएको छ ।

एकेडेमीको अध्यक्षमा दक्षिण एसियाली खेलकुद (साग)मा कास्य पदक विजेता मुकुन्द्र महर्जन छन् । उनले पाँचौँ, छैठौँ र सातौँ राष्ट्रिय खेलकुदका साथै विभिन्न अन्तर्राष्ट्रिय प्रतियोगितामा स्वर्ण जितेका छन् ।

त्यसैगरी, उपाध्यक्षमा लक्ष्मी भट्ट, सचिव तथा पब्लिक अफिसरमा रोजन कार्की, सदस्यता संयोजकमा मलिका थापा क्षेत्री, कोषाध्यक्षमा सोम लामा, कार्यक्रम निर्देशकमा मनिष थापा क्षेत्री, पीआर अफिसरमा राजकुमार रसाइली, प्रतियोगिता संयोजकमा नवीन रसाइली र सदस्यमा प्रिन्स महर्जन छन् ।

एभरेस्ट मार्सल आर्ट्स एकेडेमीको सञ्चालन समितिमा ख्यातिप्राप्त नेपाली राष्ट्रियस्तरका खेलाडीलाई समेटिएको छ । प्रतियोगिता संयोजक रसाइली साग खेलकुदका स्वर्ण पदक विजेता हुन् । पीआर अफिसर रसाइली कांस्य पदक विजेता हुन् । अन्य सदस्यले पनि विभिन्न राष्ट्रिय तथा अन्तर्राष्ट्रिय प्रतियोगितामा पदक प्राप्त गरेका छन् ।