काठमाडौं । टीभीएसले ‘स्किल फेस्ट’ प्रतियोगिता आयोजना गरेको छ । प्रतियोगितामा जेएमपीएल नेपालको प्रतिनिधित्व गर्दै ३० उत्कृष्ट टेक्निसियनले सहभागिता जनाएका छन् ।

प्रतियोगितामा सहभागी ३० प्रतिभाशाली टेक्निसियन्स नेपालभरबाट छानिएका छन् । शीर्ष ३० टेक्निसियनमध्येबाट पनि उत्कृष्ट पाँच जना छनोट गरी भारतको बेंग्लोरमा टीभीएस मोटर कम्पनीले आयोजना गर्ने एसियास्तरको सिप प्रतियोगितामा नेपालको प्रतिनिधित्व गर्ने कम्पनीले जनाएको छ ।

विश्वव्यापीस्तरमै दुईपांग्रे सवारी साधनको क्षेत्रमा अग्रणी कम्पनीका रूपमा परिचित टीभीएस मोटर्सले विभिन्न देशका उत्कृष्ट टेक्निसियनलाई एकै मञ्चमा उभ्याउने उद्देश्यका साथ कार्यक्रम आयोजना गरेको हो ।

प्रतियोगितामा सहभागिताका लागि टीभीएस सवारी साधनहरूको मर्मत तथा सेवा प्रवाहमा अद्वितीय दक्षता देखाएका र उत्कृष्ट प्रदर्शन गर्ने टेक्निसियनहरूको चयन गरिएको छ ।

प्रतियोगितामा जटिल डायग्नोस्टिक र मर्मत चुनौतीहरूको शृंखलाले टेक्निसियनहरूको समस्या समाधान गर्ने क्षमता, टीभीएस मोटरसाइकलको उन्नत प्रविधिहरूको ज्ञान र ग्राहक सेवा सिपहरूको परीक्षा लिइएको थियो ।