काठमाडौं । सिस्नुपानी नेपालका अध्यक्ष हास्यव्यंग्य लेखक लक्ष्मण गाम्नागेको हास्यव्यंग्य निबन्धकृति ‘दलालशाला’ सार्वजनिक भएको छ ।  

यही पुस २९ गते गाम्नागेको ६०औँ जन्मदिनको सन्दर्भ पारेर ‘दलालशाला’को एकै साथ झापाको गौरादहस्थित लेखकको निवास र दुबईको बुर्ज खलिफा टावरमा विमोचन भएको जनाइएको छ । 

आमाको अस्वस्थ्यताका कारण दुबईको भ्रमण रद्ध गरी गृहनगर गौरादहमा रहेका गाम्नागे परिवारले आयोजना गरेको जन्मोत्सव तथा पुस्तक विमोचन कार्यक्रममा लेखकका माता, पिता र परिवारका व्यक्तिहरूको उपस्थिति थियो ।

उता, संयुक्त अरब इमिरेट्स्को भ्रमणमा रहेको सिस्नुपानी नेपालको समूहले विश्वकै अग्लो टावर बुर्ज खलिफाको १२५औँ तलामा ‘दलालशाला’ लोकार्पण गरेको थियो । 

सिस्नुपानी नेपालका उपाध्यक्ष धीरेन्द्र प्रेमर्षि, हाँस्य कलाकार मनोज गजुरेल, टंकराज आचार्य, सरोज घिमिरेलगायतका सर्जकहरूले कृति सार्वजनिक गरेका थिए । 

यो पुस्तक मञ्जरी पब्लिकेसनले बजारमा ल्याएको हो ।