यस्तो बेहोसी थिएन देशको नामै बिर्सूं
तै सोध्न मन भा’छ देशको नाम के हो ?

जति खाए पनि आफ्नै देश त सकिने हो
नखाई भोकै बस्ने पनि तिम्रै देश त हो !

समय फेरफार गरेर शासनमा बसे नयाँ
देशको मुहार उही पुरानो, खानेहरू नयाँ

जति नाम जपेका छौ सोच त्यो देश कुन हो
सोच सोच, सोच र भन देशको नाम के हो ?

नांगा, भोका र रोगी कसरी भए यति धेरै
खाएर कहिल्यै नअघाउने कति छौ हेर थोरै 

बाटो छा्ड्नुपर्ने पनि पहिलेझैँ तिनकै लागि
कसरी नयाँ पहिल्याउँछौ बाटैमा सँगै नहिँडे 

भन्नलाई त भनिन्छ यै हो देश मेरो   
भन त भन, यो देशको नाम के हो ?