काठमाडौं । नेपाल नागरिक उड्डयन प्राधिकरणका महानिर्देशक प्रदीप अधिकारीले त्रिभुवन अन्तर्राष्ट्रिय विमानस्थलको क्षमता सरकारले तोके तीनवटै अन्तर्राष्ट्रिय विमानस्थल चल्ने बताएका छन् । शुक्रबार नेपाल नागरिक उड्डयन प्राधिकरणले आयोजना गरेको 'एभियसन मिट–२०२४' कार्यक्रममा महानिर्देशक अधिकारीले अहिलेसम्म त्रिभुवन अन्तर्राष्ट्रिय विमानस्थलको क्षमता सरकारले तोक्न नसक्दा समस्या भएको बताए ।

उनले भैरहवा, पोखरा र त्रिभुवन विमानस्थल एकैपटक चल्न सक्ने अवस्था नभएको पनि बताए । "त्रिभुवन विमानस्थलमा शौचालय राम्रो भएन । भैरहवा, पोखरा विमानस्थल सञ्चालनमा आएन भनेर कुरा प्राधिकरणले सुन्नुपर्छ । एउटै निकायले सबै कुरा सम्बोधन गर्न सक्दैन । तर, चेपुवामा भने क्यानको नेतृत्व पर्ने रहेछ," उनले भने ।

महानिर्देशक अधिकारीले त्रिभुवन अन्तर्राष्ट्रिय विमानस्थल क्षमताअनुसार चलाउन सरकारले निर्णय गरेको दिन भैरहवा, पोखरा विमानस्थल चल्ने दाबी गरे । "एउटै कुरा भैरहवा, पोखरा र त्रिभुवन विमानस्थल पनि चल्ने अवस्था हुँदैन । यो कुरा बुझ्नुपर्‍यो । यति बुझेको दिन तीनवटै विमानस्थल चल्छन् । सरकारले त्रिभुवन अन्तर्राष्ट्रिय विमानस्थल क्षमता अनुसार चलाउन सरकारले निर्णय गरेको दिन भैरहवा, पोखरा विमानस्थल चल्छन्," उनले भने ।

उनले तीनवटै विमानस्थल चल्दा काठमाडौंको विमानस्थल रातभरि चलाउन र होल्डिङमा पनि बस्नुनपर्ने बताए ।

उनले प्राधिकरणले सबै विषय सम्बोधन गर्न नसक्ने पनि स्पष्ट पारे ।