काठमाडौं । चलचित्र ‘श्री बुकुरो : द होम कलिङ’को टिजर सार्वजनिक भएको छ । छोटो टिजरले चलचित्रको थिम बताएको छ । 

सिनेमाकी मुख्य कलाकार लक्ष्मी गिरीले वाचन गरेको कविताको अंशबाट सुरु हुने टिजरमा मुख्य दुई पात्र लक्ष्मी गिरी र आर्शीवाद क्षेत्री गाउँ फर्किरहेको देखिन्छ । 

सिनेमाले एक ग्रामीण परिवारलाई केन्द्रमा राखेर कथा भनेको टिजरबाट देखिन्छ । 

‘श्री बुकुरो : द होम कलिङ’ सुदीप भुपाल सिंहको निर्देशनमा निर्माण भएको चलचित्र हो । यो सिनेमाबाट निर्देशक सिंह ७ वर्षपछि निर्देशन फर्किएका हुन् । यसअघि उनले ‘माला’ र ‘रुद्रप्रिया’को निर्देशन गरेका थिए ।

चलचित्रमा आशीर्वाद क्षेत्री, लक्ष्मी गिरी, निकिता आचार्य, प्रतिकराज आचार्य, रोशनी कार्कीलगायतको अभिनय छ ।

पारिवारिक कथामा निर्माण भएको सिनेमामा निर्देशक सिंह स्वयंको लेखन तथा रुबी सेन सिंहको निर्माण रहेको छ ।